حلا شيحة توضح حقيقة انفصالها عن زوجها معز مسعود

أوضحت الفنانة حلا شيحة، حقيقة انفصالها عن زوجها الداعية معز مسعود، حيث قالت في تدوينه عبر حسابها على موقع "إنستجرام"، "حابه أقولكم مفيش أي خبر اتكتب عن معز وعنى يخص الطلاق صحيح"، لافته إلى أن كلامها في بوست سابق نشرته قبل أيام، لم تكن تقصد به الإشارة لانفصالها وأنها كلام عام موجه لشخص بعينه، لكن تم فهمه بشكل خاطئ.

وقالت شيحة، :"لكل المتابعين والمحبين على صفحتي وفى الوطن العربي حابه اقولكم مفيش أي خبر اتكتب عن معز وعنى يخص الطلاق صحيح.

وتابعت حلا شيحة: "والله في مشاكل اكبر وحاجات أهم بكثير ممكن نتكلم فيها.. وأنا على صفحتي بحب أشارك جمهوري ساعات بمعاني بحسها وبحسهم زيي وبحب أتواصل معاهم وأبقى موجودة معاهم مش أكتر من كدة… بالنسبة لحجابي أنا قلت بحاول زيي زي بنات كتير وأكيد مش أحسن حاجة بس أنا كدة دلوقتى والحمد لله.. وأنا مش شيخة أنا إنسانة عادية جداً ليا حسناتي وليا سيئاتي والبشر كلهم كدة فبلاش حد يزايد على حد وبدل ما نتريق أو نقول كلام مش مهم نكون متصالحين مع نفسنا ونبطل نحكم على بعض إحنا بشر مش ملائكة".

يشار إلى أن الفنانة حلا شيحة، شاركت متابعيها، قبل أيام، مجموعة صور تجمعه بأولادها و صديقاتها عبر حسابها على إنستجرام، و كتبت لحظات في حياتنا بتعدي مع ناس بنقابلهم مرة في العمر ولحظات مع أولادنا بنحس بيها بفرحة وحب وأمل و لحظات مع نفسنا بنتأمل فيها حياتنا كل ايامنا لحظات".